به‌رهه‌می تازه‌ی هونه‌رمه‌ند زه‌که‌ریا

هونه‌رمه‌ندی گۆرانیبێژ زه‌كه‌ریا‌ له‌چه‌ند رۆژی داهاتوودا گۆرانییه‌كی نوێی به‌ناوی (كوردستان) بلاوده‌كاته‌وه‌، كه‌ له‌هۆنراوه‌ی سامی ئه‌رگوشی و ئاوازو دابه‌شكردنی هونه‌رمه‌ند خۆیه‌تی ئه‌م به‌رهه‌مه‌ یه‌كێكه‌ له‌گۆرانییه‌كانی ئه‌لبوومه‌ نوێیه‌كه‌ی هونه‌رمه‌ندو باس له‌خۆشه‌ویستی و دڵسۆزی و جوانی سروشتی كوردستان ده‌كات و كاری تۆماركردنیشی له‌توركیا بۆكراوه‌. سه‌باره‌ت به‌م گۆرانییه‌ی، زه‌كه‌ریا وتی: هه‌موومان قه‌رزارباری ئه‌م خاكه‌ین و هه‌رچییه‌ك بۆ كوردستان بكه‌ین هه‌ر كه‌مه‌، هیواداریشم به‌دڵی جه‌ماوه‌ره‌كه‌م بێت. بڕیاریشه‌ هونه‌رمه‌ند زه‌كه‌ریا ئه‌لبوومه‌ نوێیه‌كه‌ی له‌نه‌ورۆزی ئه‌مساڵدا بلاوبكاته‌وه‌.