ئه مشه و تا به ری به یانی 
نه نووستتم و سه رنجم دای 
چه ند جارێک دیتم ڕاچه نیت 
چه ند جارێکیش دیتم گریای 
خه ونت به چیه وه ده دی ؟
چبوو؟ بۆچی ڕاده چه نیت؟
له حیله ی ئه سپی خه می من ؟
له ئاورینگی قه ڵه می من؟
له هه ڵبوون و کوژانه وه م ؟
له فڕین و نیشتنه وه ی بێ بڕانه وه م ؟
چبوو گیانه؟
له خه وتندا کچێکی دیم له گه ڵدا بوو؟
یا بۆ وڵات
بارگه و بنه ی خۆم تێکنابو؟
من له خه می تۆ ناترسم !
من ده زانم 
خه مگه کانت 
وردن ، قشتن ژیکه ڵانه ن
من ده زانم 
خه مه کانت 
وه کوو خه می هیچ که سێک نین 
ده نکه مرواری و زه نگیانه ن 
ده چاوه کهم 
دیسان چاوم تژی که وه 
له مناڵی و تاسه ی یاری
پرێسکه که ت بکه ره وه 
بۆم هه ڵڕێژه ده نکه زه نگیانه و مرواری
په شێو
1979