گه‌نجێك ده‌ستدرێژی سێكسی ده‌كاته‌ سه‌ر پیره‌ژنێكی 70 ساڵی و دواتر ده‌یكوژێت

له‌ وڵاتی میسر گه‌نجێكی ته‌مه‌ن 19 ساڵان وێڕای ئه‌وه‌ی ده‌ستدرێژی سێكسی ده‌كاته‌ سه‌ر پیره‌ژنێكی ته‌مه‌ن 70 ساڵان و دواتر پاره‌ی به‌زۆر لێده‌سه‌نێت سه‌رباری ئه‌مانه‌ش ده‌ست ده‌خاته‌ ئه‌وكی و ده‌یخنكێنێت. به‌پێی سه‌رچاوه‌ ئه‌منییه‌كان ئه‌و پیره‌ژنه‌ له‌ ماڵێكدا به‌ته‌نها ژیانی به‌سه‌ربردووه‌ و گه‌نجه‌كه‌ به‌سه‌ریداداوه‌ و ئه‌م كاره‌ساته‌ی به‌سه‌ردا هێناوه‌. هه‌روه‌ها سه‌رچاوه‌ ئه‌منییه‌كان ئه‌وه‌شیان راگه‌یاند كه‌ ئه‌و گه‌نجه‌ دانی به‌ هه‌موو شتێكدا ناوه‌..هه‌روه‌ها دانی به‌وه‌داناوه‌ كه‌ وێڕای ده‌ستدرێژی و پاره‌ لێ سه‌ندن و حنكاندنی هاوكات ئه‌نگوستیله‌یه‌كی زێڕیشی له‌ یه‌كێك له‌ ده‌سته‌كانی پیره‌ژنه‌كه‌ كردۆته‌وه‌ و دزیویه‌تی. وێڕای ئه‌مانه‌ش راپۆرته‌ پزیشكییه‌كان ئه‌وه‌یان پشتڕاست كرده‌وه‌ كه‌ گه‌نجه‌كه‌ ده‌ستدرێژی سێكسی كردۆته‌ سه‌ر پیره‌ژنه‌كه‌ و به‌ده‌سته‌كانی خنكاندویه‌تی، شایانی باسه‌ وا بڕیاره‌ دادوه‌ری گشتی تایبه‌ت به‌م كێشه‌یه‌ سزایه‌كی توند به‌سه‌ر ئه‌و گه‌نجه‌ تاوانكاره‌دا بسه‌پێنێت‌.